Sacapenas para Gaza

Bo Nadal 2009 e Próspero Aninovo!

2009-12-16T11:41:00.001-08:00

A Comunidade educativa do C.E.I.P. A Rúa quere desexarvos a todos e todas un Bo Nadal 2009 e o mellor para este novo ano que comeza.

Os dereitos da infancia dende Malpica, Moaña, Ferrol e Cangas

2009-12-02T09:50:00.000-08:00

Isto foi o que puidemos facer dentro das nosas posibilidades.
Unha fusión da visión de nenos/as de distintas partes de Galicia sobre os Dereitos Humanos.
Que bonito!
Apetecíanos incluír os debuxos dentro da presentación que fixeron no CEIP Milladoiro de Malpica con fotos de Sebastiao Salgado, pero non fomos quen :-(

View all

Get your own

O Segrel do Penedo (IES de Fene), 20 aniversario dos Dereitos dos Nenos/as

2009-11-23T01:16:00.000-08:00

20 de Novembro, 20 aniversario dos Dereitos dos Nenos/as

Hoxe, 20 de novembro, celébrase o 20 aniversario da Convención do Dereitos dos Nenos e Nenas.

Esta Convención é un tratado das Nacións Unidas que recolle en 54 artigos todos os dereitos -civís, culturais, económicos, políticos e sociais- dos menores de 18 anos.

Os gobernos, aceptando os principios desta Convención, comprométense a protexer os dereitos de nenos, nenas e xoves.

Pero hoxe, 20 anos despois desa Convención, os datos dinnos que eses dereitos non están a ser respectados:

126 millóns de nenos e nenas están a ser explotados laboralmente no mundo.

250.000 nenos e nenas reclutados para as guerras en distintos países do mundo.

1 de cada 12 nenos morre antes dos 5 anos.

Que están a facer os gobernos para que estes dereitos sexan respectados e protexidos?

Que estamos a facer nós para que isto sexa así?

Para ver, ler e saber máis...
Os Dereitos d@s Nen@s
Educared

A Convención
Unicef

Lecturas
O Meu Libro dos Dereitos
Mafalda Reivindica Os Dereitos dos Nenos

El País Semanal - Reportaxe
"Nuestro Pequeño Mundo"

Imaxes
Fotogalería El País
The Rights of the Child - Unicef (1)
The Rights of the Child - Unicef (2)

Xogos
Unicef

CEIP Milladoiro, Dereitos Humanos

2009-11-23T01:11:00.001-08:00

21.11.09 Dereitos humanos

| View Sample Photo Books | Create your own Photo Book

O vindeiro Día 10 conmemoraremos o aniversario da Declaración Universal dos Dereitos Humanos. Para introducir o resto das actividades que temos preparadas, preparamos esta presentación. Se pinchas aquí verála desplegadiña coma un libro.

As fotos son todas de Sebastiao Salgado.

Mira AQUÍ a presentación que fixeron Os falcatrueiros

Declaración dos Dereitos dos nenos/as en Galego

CEIP de Andrade. 20 de novembro, Un día para a reflexión

2009-11-23T01:00:00.000-08:00

19/11/09

20 de novembro. Un día para a reflexión

O venres ,20 de novembro, celébrase en todo o mundo o Día Internacional dos Dereitos de Nenas e Nenos, ou Día Mundial da Infancia. Neste enlace atoparedes a enumeración e explicación destes dereitos:

Declaración dos DEREITOS DO MENIÑO E DA MENIÑA

UN TEXTO PARA A REFLEXIÓN. Clica na imaxe para ver o texto completo.

CAMPAÑA DE PUBLICIDADE CONTRA O CASTIGO FÍSICO INFANTIL:

TAMÉN TEMOS DEBERES: "DEREITOS E DEBERES DAS NENAS E NENOS."

O CEIP de Pazos celebra dos Dereitos dos nenos e nenas

2009-11-23T00:45:00.000-08:00

viernes 20 de noviembre de 2009

Celebramos os Dereitos dos nenos e nenas

Hoxe celebramos na Biblioteca este día importante para nós.

* Na hora do recreo, a profe Mª Carmen contounos o conto de "O lobo sen rabo" que andaba esfameado, e tamén un dos contos de "Babar".

* Máis tarde, o segundo e o terceiro ciclo visitamos a exposición dos libros; vimos os nosos blogues, e algúns dos outros coles e falamos sobre os nosos dereitos e os nosos deberes

* "Nin un biquiño á forza" é un dos libros que vos recomendamos porque axúdanos a pensar e reflexionar a partir dun formato moi sinxelo na violencia en xeral e nas relacións cos demais.

Coma sempre quedan as fotos de recordo.

viernes 20 de noviembre de 2009

Dereitos do Neno e da Nena

CEIP de Pazos, os dereitos dos nenos en linguaxe de signos

2009-11-23T00:12:00.000-08:00

Linguaxe de signos: DEREITOS DO NENO

Así ven os nenos/as de A Rúa os seus dereitos

2009-11-19T15:14:00.000-08:00

Estes son algúns dos chulos debuxos que, con moito esmero, fixeron os alumnos/as do CEIP A Rúa para ilustrar os Dereitos da Infancia. Esperamos que vos gusten.

View all

Get your own

Protexer ós nenos e nenas está nas nosas mans:

Para que un soño se faga realidade, hai que desexalo con moita intensidade.
Que tal se pechamos os ollos, escoitando Imagine de Jhon Lenon, e imaxinamos un mundo mellor no que todos eses dereitos se fagan realidade?

CEIP de Quintela. 20 de novembro, os dereitos da Infancia

2009-11-19T10:07:00.000-08:00

Entrada publicada na Biblioteca do Cole, do CEIP de Quintela (Moaña).

O Día 20 de Novembro é o Día Internacional dos dereitos da Infancia.

20 anos da Convención dos dereitos dos nenos/as. Un recordo para os cativos/as de Gaza.

2009-11-16T10:17:00.000-08:00

Este venres, 20 de novembro de 2009, celébranse os 20 anos da aprobación da Convención dos Dereitos do Neno/a.

Queremos dedicar esta semana á súa conmemoración. Achegámosvos información e algunha que outra proposta.

¿Coñeces a Convención sobre os Dereitos do Neno/a?

É un tratado das Nacións Unidas, a primeira lei internacional sobre os dereitos do neno e a nena que é de cumprimento obrigatorio para os países que a aceptaron.

Está formada por 54 artigos que buscan protexer ós cativos/as para que poidan medrar sans e felices, expresando libremente as súas opinións.

Podedes ver o seu contido enteiro no enlace do Seminario Galego de Educación para a Paz.

Aínda que numerosos países posúen leis que protexen a infancia, moitos non as cumpren. Isto significa que moitos pícaros/as viven acotío en situacións de pobreza, sen fogar, sen educación, en situacións de abandono, afectados por enfermidades que se poderían previr, sen protección das leis...

Estes problemas non só afectan ós países pobres, ás veces tamén están presentes nos países ricos.

En 1998 UNICEF pensou en como dar a coñecer os dereitos da infancia de forma creativa e divertida, pediulle ós creadores/as e directores/as de todo o mundo que fixeran curtametraxes de 30 segundos sobre algúns dos dereitos da Convención.

Este vídeo recolle algunhas das curtametraxes de debuxos animados, realizados por animadores/as de todo o planeta.

E que tal se vos animades a facer algún debuxo relacionado cos dereitos dos nenos/as para colocalos no blog o vindeiro venres?

...

Un recordo especial para os nenos/as de Gaza.

Queremos mandarlle un bico moi grande dende aquí a tódolos cativos/as de Gaza. Coñecemos que agora teñen un muro que os encerra e que sabemos que lles poñerá algo tristes. Se caeu o muro de Berlín, estamos seguros/as que ese muro algún día caerá tamén.

O muro de Gaza

...

Victor Jara puxo música a un poema de Miguel Hernández,
El niño yuntero.

Unha canción-denuncia que, desgraciadamente, segue de actualidade :-(

...

Roni recomenda ler:
Cobertor de estrelas, de Ricardo Lisías.
Para os máis grandes do cole (3º ciclo), Roni recoméndavos a lectura deste libro, escrito por Ricardo Lisías que fala dos nenos/as das favelas brasileiras; abandonados, sen familia, pasan a infancia con outros nenos, durmindo na rúa, tentando defenderse de todo tipo de violencia.

Un libro triste pero cunha migalliña de esperanza.

Para reflexionar sobre outras realidades diferentes das nosas, pero non tan lonxanas, onde os dereitos dos nenos e nenas en moitas ocasións non son respectados.

Outros enlaces:

TVE dedica esta semana a defender os dereitos da infancia
Case 3000 nenos/as desamparados en Galicia
O 95% dos nenos/as con discapacidade, excluídos da escola Publica

Descubrimos esta mensaxe de O segrel do Penedo

2009-10-04T11:00:00.000-07:00

Dende A Rúa: Un Sacapenas Moi Especial !!

Onte recibimos un "Sacapenas" moi especial agasallo dos nosos AMIGOS do CEIP A Rúa.

Un envío urxente dirixido "Á atención das persoas que colaboraron no envío de Sacapenas a Gaza"

Nada máis abrilo a sorpresa foi enorme. Unha fermosísima moneca Sacapenas, cun meniño precioso da mán, dábanos as Grazas "en Galego e en Árabe" (vaia exemplo máis ben traído de que as linguas "sempre" suman...)

Grazas por compartir unha ilusión
Grazas por facela posible
Grazas polo traballo ben feito
Grazas por sumar afectos
Grazas por construir unha escola aberta ao mundo
Grazas :-)

Que dicir que non sexa darvos as Grazas por ser como sodes?

Grazas por compartir o voso soño
Grazas por permitirnos facer o camiño con vós
Grazas por unir esforzos e afectos

Grazas por levar amor onde hai tanta tristura
Grazas pola vosa infinita xenerosidade
Grazas :-)

O voso Sacapenas sempre estará nun lugar moi especial da nosa Biblioteca en compañía de boas amizades e vós, por sempre nos nosos corazóns!!

Máis fotos no noso álbum

O CEIP Antonio Cerviño recibe unha carta

2009-07-22T10:22:00.001-07:00

infantil 4-5 anos

Recibimos unha carta de "agradecemento" polos nosos sacapenas

Uns días antes de rematar o colexio recibimos un carta, era un pouco rara, porque parecía que dentro tiña algo porque viña "gordiña".

Miguel que era o encargado ese día foi quen a abriu, descubirmos que viña dun colexio chamado "A Rúa" de Cangas, que queda un pouco lonxe do noso cole.

Según nos contaron os profes Óscar e Ángela, ese cole foi o primeiro que tivo a idea de enviar os sacapenas a Gaza.

¿Para que nos mandarían unha carta?

Dentro viña unha carta onde nos daban as GRAZAS por enviar os nosos sacapenas, cunhas palabras moi bonitas, ata descubirmos que viña escrito Grazas en árabe, como a carta que enviamos cos sacapenas.

Pero sabedes algo?... dentro viña unha sorpresiña xunto á carta, por iso era tan "gordiña", un pequeno sacapenas para nos... fíxonos tanta gracia que llo ensinamos (xunto ca carta) ós nosos compañeiros de primeiro que tamén enviaron os seus sacapenas.

En nome dos nenos e nenas de infantil do C.E.I.P. Pedro Antonio Cerviño, grazas por enviarnos esta carta que nos fixo tanta ilusión, e noraboa a tódolos que, coma nos, participaron no proxecto de "sacapenas para Gaza".

http://sacapenasparagaza.blogspot.com/

Estos son os sacapenas que enviaron a tódolos centros participantes, e que foron publicados no blog dos sacapenas.

O CEIP de Andrade (Pontedeume) envía os seus sacapenas

2009-06-30T00:08:00.000-07:00

Publicado no seu blog, o 26-06-09

"MÁIS VALE TARDE QUE NUNCA..."

Os nosos bonecos sacapenas están listos para emprender unha longa viaxe, fixémolos con toda a ilusión de que alí onde vaian servan para que eses nenos e nenas de Gaza sexan un pouco máis felices.

Publicado por Andrade39A en 21:32

Chuvia de sacapenas en Gaza!!

2009-06-22T15:19:00.000-07:00

É verán pero en Gaza "arrecia" a chuvia, unha chuvia de sacapenas, morna, doce, cheíña de afectos para poñer tiritas ás dores da alma dos cativos/as de Gaza que, imaxinamos, debuxarán nas pozas un grande sorriso :-)

11 centros educativos fixemos realidade este soño, a todos e cada un deles dedicámoslles esta entrada.
Queremos facer extensivo o noso agradecemento á Fundación Araguaney que nos deu as aś para voar a 4000 kilómetros de distancia.

Grazas

Grazas por compartir unha ilusión,
Grazas por facela posible,
Grazas polo traballo ben feito,
Grazas por sumar afectos,
Grazas por construír unha escola aberta ao mundo
Grazas :-)

Envío de Sacapenas a Gaza dos nenos/as de 4 e 5 anos do CEIP Pedro Antonio Cerviño

2009-06-22T14:57:00.000-07:00

infantil 4-5 anos

Como xa tiñamos tódolos sacapenas e a traducción ó árabe da carta que escribimos (ver entradas enteriores no blog), decidimos que chegara o momento de envialos por correo ós nenos de Gaza.

O primeiro foi facer unha lista de todo o que iamos necesitar para enviar los sacapenas.

Xunto ós compañeiros da outra aula de infantil decoramos unha caixa.

Nesa caixa cada un foi metendo o seu sacapenas que tiña pendurado no corcho, desde que o trouxera da casa.

Pouco a pouco fomos enchendo a caixa cos nosos sacapenas.

Esperamos que axiña llos poidan entregar ós nenos e nenas de Gaza.

Sacapenas para Gaza dos nenos e nenas de 2º do CEIP Pedro Antonio Cerviño

2009-06-22T14:54:00.000-07:00

segundo

O outro día o profe Óscar trouxo para a clase os Sacapenas que fixeramos, para metelos na caixa cos outros de infantil.

Logo na aula de informática escribimos por equipos o que nos pareceu facer os sacapenas.

Logo revisamos o noso escrito por se atopabamos algún problema.

Cando chegamos á clase cada grupo leulle ó resto ás súas creacións.

Este é o que escribimos por equipos:

Somos Andrea Ramírez Campos e Uxía Coello Rey. Seguro que os nosos Sacapenas vos vai gustar moito. Somos de 2º. FIN.

ANDREA E UXÍA.

Os meus sacapenas son moi preciosos, porque lle gustan a tódolos nenos e nenas do colexio e tamén son preciosos os dos outros nenos e nenas de outros colexios de Gaza.

ISMAEL, JOSE, XERMÁN

Os sacapenas son moit bonitos a vez que os facemos divertímonos e facémolos para os nenos e nenas de Gaza.

Esperamos que vos gusten moito.

MAICA E NOELIA.

Os sacapenas son moi bonitos porque son de cores e fixémolos na casa para mandarllos ós nenos de Gaza.

ANTÍA E TAMARA.

Os sacapenas de 2º son moi bonitos porque os fixeron as nenas e os nenos de 2º, eran de cores, espero que lles gusten ós nenos de Gaza. Chau.

LARA FRAMIL, TANIA FONTENLA, MERITXELL FONTENLA

207 Sacapenas dende o CEIP A Rúa

2009-06-15T12:07:00.000-07:00

Hoxe partiron os nosos SACAPENAS para Gaza.

207, nada máis e nada menos!

Estamos emocionados/as, canto daríamos por unha foto dos nenos e nenas recibindo o noso agasallo!

Quizás alguén nos escoite no outro lado do mundo e nos envíe unha foto, senón imaxinarémola, unha chuvia de sacapenas e moitas pozas de sorrisos! :-)

Queremos facer unha mención especial a Mar, nai de Cris e Antía, que, ela soíña fixo unha chea deles e todos diferentes! Grazas pola túa xenerosidade, Mar!!

Seguindo a pista ós Sacapenas

2009-06-10T13:38:00.000-07:00

CEIP Milladoiro de Malpica, 4.6.09

Desde que andivemos a facer Sacapenas, cada vez que escoito falar de Gaza, non podo evitar facerme as mesmas preguntas:

¿Chegarían xa? ¿Estarán xa alá? ¿Sacarían xa algunha pena?

Hoxe foi este vídeo que ten colgado na súa páxina a Cadena Ser. Nel aparece unha entrevista con Fathy Hamad, Ministro do Interior en Gaza que me pareceu moi interesante, máis para os papás e putras persoas maiores que len este blog.

Case, case aseguro que non é só a min a quen me pasa esto co nome de Gaza, ¿a que a tí tamén? ¿a que hoxe que din os telediarios que anda Obama por alá, prestaches algo máis de atención porque che falaban dun lugar coñecido?
Así será: Gaza irá sempre nos nosos corazóns. Se aínda non estaba.

Escribimos unha carta para enviar os sacapenas (CEIP Antonio Cerviño)

2009-06-10T13:20:00.000-07:00

infantil 4-5 anos

Con tódolos sacapenas xa no colexio, chegou o momento de preparar o envío dos mesmos á Gaza (que se fará a través de médicos do mundo).

Entre todos e todas pensamos, e fixemos unha lista, do material que iamos necesitar para enviar os nosos sacapenas.

Acordamos tamén escribirlles unha carta os nenos e nenas de Gaza, para elo entre todos redactamos a carta e por turnos todos fomos escribindo no encerado o texto acordado. Despois de borrar e arreglar a carta varias veces ó fin nos puxemos dacordo.

Para escribila no papel, dividimos a carta en varias partes e cada un foi escribindoa no papel, deste xeito acabamos axiña e participamos todos.

Como só podía escribir no papel, un de cada vez, os demáis estabamos xogando, e cando remataba un compañeiro encargábase de avisar ó seguinte, para que seguise o traballo.

Aquí tes a nosa carta ¿que che parece?...

Os compañeiros de 3-4 anos tamén escribiron a súa carta pola parte de atrás da nosa, agora só queda que a traduzan ó árabe, porque descubirmos "no ordenador" que é o idioma que se fala en Gaza.

Así quedou a carta traducida que nos enviou a Fundación Araguaney.

Démoslles as gracias "por e-mail" á "Fundación Araguaney" por traducirnos a carta.

Tamén fixemos unha nova folla para o xornal escolar "O Cervo" contando todo o traballo feito cos sacapenas, podes velas a continuación.

Os sacapenas dos nenos e nenas de 3 e 4 anos do CEIP Antonio Cerviño

2009-06-10T13:16:00.001-07:00

infantil 3-4 anos

Hai un tempo, Oscar, o mestre de infantil, nos contou a todos unha experiencia que se está a facer tamén noutras escolas, e que ten que ver cos nenos e nenas de Gaza; nenos que están enfermos e hospitalizados a consecuencia da guerra.

Isto orixinou diálogos interesantes en torno ó que é a guerra, e a posibles solucións vistas dende os ollos dun neno ("se debe chamar á policía, que non collan pistolas e que metan na carcel ós que están disparando").

Nos contou que a través dunha ONG galega, se lles están enviando ós nenos de alí uns bonequiños chamados "sacapenas", para que non se sintan tan tristes.

Esta historia viña acompañada dun conto,

A todos nos enganchou a historia e a proposta de colaborar, así que comezamos por informarnos e buscar fotos destes nenos, de ónde e cómo vivían.

Buscamos en internet imaxes (seleccionando a mestra previamente páxinas e determinadas fotografías); e comprobamos que aínda que en moitas ocasións estaban tristes e enfermos, noutras tamén rían e estaban contentos á pesares de ter por xoguetes paos, madeiras, e cousas do contorno, nada parecido ós que temos nós.

Así os debuxamos,

Tamén pensamos en qué cousa nosa que temos na casa, nos gustaría regalarlles se estiveran máis cerquiña, xa que son máis pobres e non teñen con qué xogar.

Isto foi o que xurdiu:

-Un coche e máis un tractor.

-Unha ovella de verdade, para que coman.

-Unha muñeca.

-Un coche bonito.

-Un perro de xoguete.

-Un can pequeniño e un grande.

-Un libro para pintar.

-Unha barby.

O conto nos gustou moito, así que o limos e contamos moitas veces, todos xuntos, individualmente no recanto da biblioteca, por parellas

tamén vimos na pantalla grande o que fixo o grupo de 4 e 5 con imaxes e sonido.

Incluso fixemos portadas do conto para o recanto da bibliteca, aproveitando para traballar tamén, a diferenciación de texto e debuxo, o título, o autor, a editorial, o fondo, e a plástica.

Na escola pintamos e decoramos os nosos sacapenas, como paso previo ós que faríamos na casa cos pais, nais, abós, irmáns... e así foron chegando os primeiros sacapenas,

Ó principio eran moi poucos,

pero mirade agora cantos!!!

Como neste mes se enviarán por correo decidimos mandarllos cunha carta.

O grupo de 4 e 5 anos escribiu a súa, e nós, para non repetirnos no mesmo, a continuamos para rematala e así quedou:

Uns días despois nos chegou un e-mail. Era da ONG que se vai encargar de enviar os sacapenas e que para que os nenos de Gaza puidesen ler a carta, tivo que traducila,

Vimos as diferencias na escritura dunha lingua e outra, e todos atopábamos "Us" e "eses" nesta traducción.

Os nenos de 4 e 5 anos lles contestaron dándolle as gracias por traducir a carta e por mandarlles os sacapenas, e agora só falta facer un paquete enorme e despedirnos deles que durante este mes tanto decoraron e alegraron os pasillos do cole.

Un saúdo!

Xa temos listos todos os sacapenas!!

2009-05-24T14:20:00.000-07:00

Publicado na web do CEIP Pedro Antonio Cerviño, con data 20-05-09

infantil 4-5 anos

Xa temos tódolos Sacapenas feitos, ó final tamén se apuntaron os nosos compañeiros/as da E.E.I "Cerdeiras" tamén de Campo Lameiro, así que cos seus Sacapenas e os nosos que faltaban por traer conseguimos ter unha chea deles.

Agora tan só temos que envialos a Gaza, pero antes imos a escribir unha carta, para que a traduzan e poidan entendela cando lla enviemos xunto ós Sacapenas.

Xa vos amosaremos a nosa carta e como os imos a enviar.

O Faro de Vigo faise eco da exposición e do envío de sacapenas a Gaza

2009-05-20T12:53:00.001-07:00

O luns día 18 de maio inauguramos a exposición dos sacapenas feitos no CEIP A Rúa (por alumnado e ANPA) e os elaborados pola Asociación Juan XXIII.

Os alumnos/as de ámbolos dous centros explicaron con toda clase de detalles o seu traballo e o ilusionados/as que estaban ó participar nesta iniciativa.

A noticia saíu publicada no diario o Faro de Vigo, de onte, e podedes lela no enlace.

Exposición dos sacapenas no CEIP A Rúa

2009-05-19T14:37:00.000-07:00

O luns 18 de maio inauguramos no CEIP A Rúa a exposición dos máis de 200 sacapenas que elaboramos.
Participa tamén a Asociación Juan XXIII cos seus orixinais monecos/as.
Estarán expostos ata o 1 de xuño e despois, directos a Gaza.

Dous alumnos/as representantes de cada aula e varios da Asociación Juan XXIII explicáronlle ós medios de comunicación por que e para quen fixeron os sacapenas. Tamén lles amosaron a técnica que utilizaron.

Colaboraron na decoración do carrusel onde están expostos os sacapenas todos os nenos e nenas do centro. Cada curso decorou unha letra da palabra SACAPENAS ¡¡Foron supercreativos/as!!
Tamén escribiron unha chuvia de palabras por cada letra, todas moi, moi fermosas:

S ---soños, solidaridade, sentimentos...
A---alegría, almofada, axuda...
C---caricias, colaboración, convivencia...
A---amizade, amor, amigo...
P---paz, protección, precioso...
E---entusiasmo, emoción, especial...
N---nenez, nocturnos, nana...
A---amigos, alegría...
S---seguros, soños...

Vídeo-conto dos "Sacapenas" do CEIP Antonio Cerviño, ¿quérelo ver?

2009-05-11T09:35:00.000-07:00

Os nenos/as de infantil da aula de 4 e 5 anos, ilustramos cos nosos debuxos e grabamos as nosas voces, para poder contarvos o "conto do Sacapenas".

¿Quérelo ver?

Versión do conto "Os Sacapenas" de Anthony Browne, feita polos alumnos/as de Ed. Infantil 4-5 anos, no curso 2008-2009

Deixa o teu comentario...

Enviado por oscar_abilleira en Mér, 05/06/2009 - 17:21.

¿Que che pareceu o noso conto?, podes deixar aquí os teus comentarios.

APIs de Blogue

Os Sacapenas para Gaza nos Medios

2009-05-10T13:49:00.000-07:00

Publicado no seu blog o xoves 7 de maio de 2009

Onte, alumnado e profesorado do noso centro presentamos ante distintos medios de comunicación a iniciativa "Sacapenas para Gaza".

Xan Morales, de RadioFusión, convocounos o martes ás 11.30 na Casa do Concello de Fene pois según el "Unha iniciativa tan fermosa hai que dala a coñecer".

Cando chegamos a nosa sorpresa foi enorme xa que alí estaban a xefa de prensa do alcalde, Pitusa de RadioFusión, as cámaras de Localia TV, fotógrafos... en fin todo un despliegue de medios aos que, temos que confesar, non estamos acostumados, pero o motivo pagaba a pena.

Contamos como unha iniciativa, que xurdira no CEIP A Rúa, se espallara a través das Bibliotecas Escolares por distintos centros de Galicia. Como foi acollida no noso centro e os pasos que seguimos para a elaboración dos bonecos onde non só se implicaron profesorado e alumnado senón tamén as familias.

Para nós foi todo un orgullo e moi emocionante escoitar a Laura e Roberto, alumnos de 2º e 4º de ESO, contar o que supuxo para eles esta experiencia. Laura expresou o seu desexo de que se volvera a repetir "xa que é un bonito xeito de que os nenos e nenas aos que van destinados estes bonecos sintan o noso cariño", mentres que para Roberto foi "Unha iniciativa que permitía ofrecerlle a nenos e nenas que están a vivir nunha época difícil a oportunidade de xogar, algo que para nós forma parte da normalidade, pero que no seu caso é un luxo case inalcanzable"

O noso alcalde Iván Puentes, alabou o traballo que se está a desenvolver dende o noso centro "que está á vangarda na formación non só académica, senón tamén na formación de persoas solidarias e comprometidas" e engadiu "Estas experiencias que valen para formar veciños e veciñas solidarios contarán sempre co apoio do Concello"

Hoxe a noticia aparece recollida en distintos medios.

RadioFusión
Fene Cidadán
Diario de Ferrol
La Voz de Galicia

Esta semana intentaremos achegarvos o documento sonoro dende Radio Barullo.

(Actualizado o venres 8 de maio)
En Radio Barullo xa tedes á vosa dispoción esa gravación prometida.

Dende O Segrel do Penedo queremos agradecer a Xan Morales que fixera posible esta fermosa presentación en "sociedade" dos nosos Sacapenas.

(2008-2009) ¡¡Xa chegaron os primeiros Sacapenas!! (CEIP Pedro Antonio Cerviño)

2009-04-30T04:52:00.001-07:00

Publicado na web de Pedro Antonio Cerviño

* infantil 4-5 anos

Como xa vos contamos, levamos os nosos Sacapenas para "vestilos" na casa cos nosos pais/nais. (máis información na entrada anterior a esta)

Hoxe chegaron xa os primeiros Sacapenas "vestidiños", viñan todos moi elegantes.

A medida que os vaiamos traendo, xunto cos compañeiros da aula de 3 e 4 anos, os imos ir pendurando no corredor, para que todos vexan o ben que nos quedaron.

Cando os teñamos todos, enviarémolos á Gaza.

De momento só temos 8 pero seguro que moi pronto xa os temos todos feitos.

A ver se algún outro curso se anima a facer os seus sacapenas para envialos cos nosos.Rindo

Levamos os SACAPENAS para "vestilos" na casa (CEIP Pedro Antonio Cerviño)

2009-04-24T04:25:00.000-07:00

Partindo do Conto "Sacapenas" de Anthony Browne, xurdiu a iniciativa Sacapenas para Gaza, na que día a día se van sumando centros educativos de toda Galicia.

A idea é enviar pequenos bonecos "Sacapenas", realizados polos nenos/as, para outros nenos/as coma eles, pero que se atopan en hospitais e situacións desfavorecidas en Gaza.

Despois de ler o conto "descubrimos" o blog dos sacapenas, observamos os que fixeran noutros colexios e onde os enviaron logo.
Todos metidos nunha caixa e cunha carta llos mandarán nun avión.

Como queriamos que os pais/nais tamén participasen, pensamos que sería interesante facelo con eles. Así que levamos os sacapenas "espidos" para poder vestilos na casa.

Cada quen deseñou o seus sacapenas para levalo de "modelo".

Levamos tamén unha carta explicando ás familias a iniciativa.

Xa vos iremos amosando como nos van quedando os sacapenas, e outros traballos sobre o tema.

Publicado no blog de educación infantil de 4-5 anos do CEIP Pedro Antonio Cerviño.

Os sacapenas de 2º ciclo do CEIP A Rúa

2009-04-24T02:50:00.000-07:00

O noso colexio tivo unha iniciativa moi bonita na que colaboran máis colexios. Trátase de que todos os nenos, nais, pais... fagan sacapenas para os nenos e nenas de Gaza, que é un país pobre que está en guerra e grazas a unha ONG o conseguimos.

Os nenos e nenas de segundo ciclo fixemos sacapenas. Se vos apetece facer algún, aquí están os pasos para facelo:

1. Enrolamos la nun libro.
2. Despois de quitar a la do libro puxémoslle o pelo e cortamos a parte de abaixo.
3. Fixemos a cabeza cunha boliña de papel hixiénico.
4. Collémoslle desde que acaba a cabeza ata a cintura e agarrámolo con un trociño de la.
5. Os brazos e as pernas fixémolos con trenzas.
6. E por último puxémoslle os ollos, o nariz e a boca de coloríns.

Está explicado no debuxo que segue:

Tamén atopamos unha canción en internet sobre os sacapenas:

Os monecos sacapenas quitan as penas que teño
Eu cóntollas moi baixiño e cúranmas en silencio.
E debaixo da miña almofada dormen sempre os meus monecos
E se teño algunha pena eu sen ela me esperto.

Aquí podedes ver todas as fotos

Os chulísimos sacapenas da Asociación Juan XXIII

2009-04-22T00:36:00.001-07:00

A Asociación Juan XXIII é unha organización que leva 40 anos traballando na procura da mellora da calidade de vida das persoas con Discapacidade intelectual e das súas familias.

Somos unha asociación sen ánimo de lucro que conta con Centros de ensino e Centros ocupacionais distribuídos polo radio da provincia de Pontevedra.

O noso principal obxectivo de cara ó traballo céntrase en ofrecer os apoios necesarios ás persoas con discapacidade intelectual, tendo en conta en cada momento as capacidades individuais de cada un dos nosos usuarios.

O Centro ocupacional Juan XIII de Cangas atende na actualidade a 45 usuarios, maiores de 21 anos. Todos eles acuden aos distintos servizos que integran o noso Centro, composto de unidades especializadas e talleres ocupacionais.

Na unidade de centro de día para persoas maiores de 45 anos pensamos que sería divertido elaborar uns monecos sacapenas co material que normalmente utilizamos para confeccionar colgantes, pendientes...

Estamos convencidos/as que participar nesta iniciativa é unha experiencia enriquecedora e cargada de valores humans.

Os usuarios das unidades especiais confeccionamos uns monecos sacapenas con espumas de diferentes cores. O resultado ¡Xa o vedes! Monecos moi divertidos, personalizados e, sobre todo...¡Cheos de tenrura!

Cada un de nós procura demostrar as habilidades artísticas e sobre todo achegar grandes doses de bos propósitos para axudar aos demáis a ser un pouquiño máis felices.

Tivemos a xenial idea de coller os carozos do millo e...¡menudos sacapenas con denominación de orixe! ¡Típical Galicia!

Gustounos desde un principio poder participar nesta inciativa. A verdade é que nos sentimos orgullosos/as de poder demostrar as nosas capacidades e poder axudar a outras persoas.

O material que empregamos foron bolas de madeira de distintos tamaños, cordón de cola de rato negro e...¡moita imaxinación!

A verdade é que cun sorriso así non se me vai resistir ningún neno que queira compartir comigo momentos inolvidables.

Espero que con estes sacapenas axudemos a persoas que están pasando momentos difíciles.

Son unha auténtica forofa do Real Madrid Club de Fútbol, así que pensei que podería facer un sacapenas do meu equipo.

Sacapenas de 6º, CEIP A Rúa

2009-04-16T12:00:00.001-07:00

Publicado no seu blog o xoves 16 de abril de 2009

Os sacapenas

A lenda conta que se lle contabas as túas penas a un sacapenas e despois o puñas debaixo da almofada, o día seguinte sacábache as penas.

Esta lenda comezou en Guatemala.

Para confeccionar un sacapenas precísase: Agulla, teas, fío, tesoiras, fibra ou algodón, Super Glue, lá, moita paciencia e imaxinación.

1) Dóbrase unha tea e debúxase a silueta dun sacapenas. Despois, cuidadosamente, cósese a silueta, e despois recórtase a silueta cunha marxe e deixando un buraco sen coser para enchelo.

2) Enchese o sacapenas con fibra ou algodón e cosese o burato que deixamos antes.

3) Cósenselle fíos de lá á cabeza para face-lo pelo.

4) Por último fáiselle a roupa con teas que sobraron.

Así foi o traballo: BONECOS SACAPENAS PARA GAZA (CEIP de Pazos)

2009-04-16T02:46:00.000-07:00

Publicado por CEIP de Pazos (Ferrol), martes 14 de abril de 2009 (Ver entrada ampliada no seu blog)

Cando semanas atrás contabamos que nos sumabamos á iniciativa do CEIP A Rúa de enviar bonecos Sacapenas a Gaza, faltounos por ensinarvos as fotos dos obradoiros. Sobre estas liñas e tamén debaixo delas, tedes aos máis pequenos, aos nenos e nenas de Infantil. Mirade que bonecos tan preciosos fixeron. A que teñen boa maña?

E os nenos e nenas de Primaria tamén traballaron arreo. Uns serraron as figuriñas de madeira para despois vestilas; coseron, pegaron, debuxaron; anoaron cordóns, las de cores...

Desde o CEIP de Pazos, desexamos que os nosos bonecos SACAPENAS cheguen a eses nenos e nenas de Gaza moi axiña, e que lles poidan transmitir todo o agarimo que levan gardado nos seus CORAZÓNS de TRAPO.

Carta para Gaza

2009-04-16T01:39:00.000-07:00

CARTA PARA GAZA

Publicado no blog de CEIP Montemogos

Beluso, 1 de abril de 2009.

Estimados nenos e nenas de Gaza:

Somos as nenas e nenos do CEIP Montemogos de Beluso. Gustaríanos axudarvos a aliviar un pouco as vosas penas, e para tal fin, elaboramos para vós uns " sacapenas" que vos enviamos. A nosa idea é que con eles poidades por un momento, esquecervos da guerra, non estar tristes e poder xogar un pouquiño. Cando vaiades durmir podedes colocalos baixo a almofada. Esperamos que os coidedes con cariño, coma co que nós as fixemos para vós. Que esta guerra se acabe será o mellor para todos!

Ímosvos contar algo sobre o noso cole.

O noso colexio é moi grande. Hai aproximadamente uns 166 nenos e nenas. Os profesores e profesoras nos ensinan moito e moi ben. Temos dúas pistas para poder xogar, donde podemos facelo tranquilos sen pensar que pode cair algunha bomba dun avión... e non temos ruídos extraños que producen as guerras.

Temos unha biblioteca moi grande e con moitos libros; un salón de actos donde facemos festivais, vemos películas...; un ximnasio moi frío e un aula de informática donde podemos consultar información... e donde localizamos Gaza, a 4000 quilómetros de distancia do noso pobo.

Desexamos que esta carta que vos enviamos vos guste e vos anime. Isto é o que pretendemos!

Moitos bicos e abrazos dos nenos e nenas do cole de Beluso.

CARTAS EN ÁRABE E HEBREO

As nenas e nenos de sexto curso intentamos traducir a nosa carta ao árabe e hebreo, idiomas que se falan en Israel e Palestina.

Esperamos que as poidan entender!

CARTA TRADUCIDA AO ÁRABE

Beluso ، واحدة في نيسان / أبريل 2009.
عزيزي أطفال غزة :
نحن الأولاد والبنات من الصف السادس لكلية Montemogos Beluso في بونتفيدرا واسبانيا.
نود أن تساعد ، ولهذا وضعنا بعض sacapenas دمى الى حزن وسوف لا يمكن ان تلعب بها قليلا وننسى الحرب.
عندما تذهب إلى الفراش حتى تتمكن من وضع وسادة تحت قيادتكم. بعناية ، على أمل أن الحب التي لدينا.
ونحن نتحدث عن المدرسة. كبيرة جدا وهناك نحو 166 طفل. المعلمون تعلمنا كثيرا وبشكل جيد.
لدينا مسارين للعب حيث لا يمكننا سماع أصوات غريبة الهادئة التي تسببها الحروب.
لدينا أيضا مكتبة كبيرة مع العديد من الكتب ، ومختبر الحاسوب حيث يمكن العثور على غزة الى 4000 ميلا ، وقاعة الجمعية العامة ، والعديد من الفصول الدراسية...
نريد أن نفرح ايتا تلقي الرسالة نكتب إليكم ببالغ المحبة. القبلات والعناق.

CARTA TRADUCIDA AO HEBREO

Beluso, אחד באפריל 2009.
ילדים יקרים של עזה:
אנחנו בנים ובנות מ השישית כיתה למכללה Montemogos Beluso ב פונטוודרה, ספרד.
היינו רוצים לעזור, ועל כך פיתחנו כמה sacapenas בובות ששלחתי לך להצטער ואתה לא יכול לשחק איתם קצת ו לשכוח את המלחמה.
מתי אתה הולך לישון כל כך אתה יכול לשים מתחת לכרית. בזהירות עם מקווים כי האהבה שיש לנו.
אנחנו מדברים על בית הספר שלנו. מאוד גדול ויש בערך 166 ילדים. המורים ללמד אותנו הרבה מאוד ו טוב.
יש לנו שני מסלולים כדי לשחק בו אנחנו לא יכולים לשמוע שקט נשמע מוזר נגרמת על ידי מלחמות.
יש לנו גם ספרייה גדולה עם הרבה ספרים, מחשב מעבדה, שבו אנחנו יכולים לאתר את עזה עד 4000 קילומטרים מהמקום, בית עם, כיתות רבות ...
אנחנו רוצים לקבל מכתב eta לגהוץ אנו כותבים לך ועם הרבה חיבה. נשיקות ו hugs.

Aquí están os sacapenas do CEIP Montemogos

2009-04-02T11:57:00.000-07:00

SACAPENAS PARA GAZA

Nenos e nenas do noso cole estamos a participar na elaboración duns "sacapenas" para enviar a Gaza, en colaboración co CEIP A RÚA de Cangas de Morrazo.

Que son estes "sacapenas"?

A idea do sacapenas xurdiu na aula de primeiro curso de primaria do Ceip A Rúa, donde, nenos e nenas, pensaron que poderían axudar a meniños e meniñas de Gaza a esquecer un pouco o medo que causa unha guerra. O seu obxectivo é que lle poidan contar unha pena( para poder quedar máis tranquilos), colocándoos debaixos das súas almofadas.

Pero...por que sacapenas para Gaza? Que sucede alí?

O actual conflicto de Gaza comezou o 27 de decembro de 2008 e continúa na actualidade.

A chamada "Franja de Gaza" é unha estreita franxa de terra situada no Oriente Próximo, ao sureste de Israel e ao noroeste da península do Sinaí.

Dentro de Israel hai dúas áreas que están gobernadas polos palestinos. Estas áres son: A Franxa de Gaza e Cisjordania. Os palestinos eclaan que estas dúas áreas sexan recoñecidas como un país independiente con estado palestino, co que non están de acordo os israelitas. (Este conflicto entre israelitas e palestinos xa ven desde a Primeira Guerra Mundial).

Na Franxa de Gaza viven aproximadamente un millón de habitantes, a maioría musulmáns.

As condicións de vida son moi malas debido ao bloqueo israelí, dependendo así económicamente da axuda humanitaria.

Ben, por todo isto xurde esa idea. Nós consideramos que poderíamos darlle aos nenos e nenas aos que irán destinados os nosos agasallos, un pequeno momento de alegría e ilusión como a que temos nós facendo isto para tal fin.

Un bico para todos eles.

29/03/2009 23:56 Autor: sara e clara. #.

Dende Malpica ata Gaza

2009-03-27T16:47:00.000-07:00

Boa viaxe!

Publicado no blog do CEIP Milladoiro 27-3-09

Aló van. Camiño de Gaza. As bonecas que levan moitos bicos, como dixeron os rapaces na carta.
A proporción paréceme sorprendente: 160 bonecas de 217 escolares. Se temos en conta que, na meirande parte dos casos, se fixeron fóra do tempo escolar... ¡excelente!
Estou a escribir esto e oíndo a un parbulito que pregunta no pasillo ¿Onde están os sacapenas?.
Parei. Veño de acompañalo e ver a caixa que os leva para facer esa longuísima viaxe que esperamos remate cun final feliz e sen sobresaltos.¡Había que verlle a cara ó neno! Van a Gaza, dixo.Sen máis.
A mesa que os albergou durante todos estes día, e que medraba cada mañá, está agora valeira.
Oxalá sempre toparamos a maneira de meter a vida real na escola dun xeito tan productivo, positivo e educativo.
Felicitamos desde esta fiestra a quenes tiveron a idea e nola regalaron, de maneira que se fixo grande, compartida e aínda máis solidaria. Se cabe.

...un último abrazo

2009-03-27T16:36:00.000-07:00

Publicado no blog do CEIP de Milladoiro o 25-03-09

Antes de envialos, os parbulitos e os de 1º, danlle o último abrazo a estas marabillas que tan amorosamente fixeron en familia.
Os de 1º, foron dirixidos polas delicadas mans de Tudita, a súa profe.
Mañá avisaremos á compañía de transporte para que veñan venres recoller o envío.
Seguiremos informando.

SACAPENAS para GAZA e UNHA VISITA...

2009-03-26T14:32:00.000-07:00

Publicado no blog do CEIP de Pazos, o xoves 26 de marzo de 2009

¿Verdade que é fermoso ver escrito BIBLIOTECA en árabe?

Coa música de fondo de Tontxu "Los muñecos Quitapenas", hoxe recibimos a visita de Nagi e Aya, os responsables de traducir a carta que acompañará aos bonecos SACAPENAS a Gaza.

* Esta é a versión en árabe:

اعزاءي اطفال وبنات غزة

نحن اطفال ثانوية الباسوس في مدينة **فيرول** باقليم *قاليسيا* بمملكة اسبانيا نرسل لكم هذه الدمي التي صنعناهابايدينامع كل حبنا واملنا ان تساعدكم وان تزيح عنكم كل الهم في لحظة وانتم نيام وهية تسمي ازالة الالم

حكاية هذه الدمي في الاصل اتت من اقواتيمالا حيث كان الاطفال في هذه الدولة معتادون ان يحكو جميع ما يضايقهم لهذه الدمي قبل ان ينامو ويضعونها تحت وسائديهم وفي الصباح عندما يستيقظو يجدو كل مشاكلهم قد حلت**هذه العادة بدات بالانتشار بين كثير من اطفال العالم

املنا كلنا هو ان تتناقص الحروب في هذا العالم الي الحد الذي نستيقظ يوما ولا تكن هناك حرب **نحبكم وكلنا امل ان تتحقق جميع احلامكم *** اطفال وبنات ومعليمي ثانوية الباسوس

Premede aquí se a queredes escoitar. É unha recomendación de Chispa porque a ela gústalle moito como soa na doce voz de Aya.

* E esta é a versión en galego, que Nerea se encargou de idear, e non está gravada porque todos sabemos lela moi requetebén:

Queridos nenos e nenas de Gaza:
Somos do Colexio de Pazos de Ferrol, en Galicia (España). Mandámosvos estes bonecos sacapenas feitos por nos mesmos, con todo o noso cariño, para que as vosas preocupacións se borren nun intre, mentras durmides.

Os bonecos Sacapenas teñen a súa orixe en Guatemala. Desde fai moitos anos, os nenos guatemaltecos fabrican estes bonecos con pauciños de madeira e restos de tea e fíos. Pola noite, á hora de se deitar, cóntanlle unha preocupación a cada un deles e colócanos baixo a almohada. Deste xeito os nenos espértanse á mañán seguinte sen preocupacións. Esta costume estase a extender por distintas partes do mundo.

O noso deseo é que as guerras diminúan ata o punto de que un día xa non existan. Enviámosvos unha aperta coa esperanza de que este desexo pronto se faga realidade.

Os nenos e nenas, e o profesorado do Colexio de Pazos.

Despois desta visita subemos un pouco máis do mundo árabe; desde Mauritania, o seu país de orixe, ata Gaza, que é o fío condutor de toda esta interesante actividade.

Achegámonos ao mapa, soubemos da súa escritura, de como len, e ensináronos un libro de contos e contestaron ás interminables preguntas cunha paciencia...

Nagi fixo unha lectura compartida do conto de Kalandraka "Sacapenas". Compartida porque puidemos escoitala alternativamente nas dúas linguas; nós liamos en galego e el, en árabe. Como son linguas tan distintas e teñen unha sonoridade tan diferente, causábanos unha marabillosa sensación; foi un regalo para os nosos oídos.

Por último, Chispa sabía que debía agasallar aos nosos invitados cun recordo da nosa Biblioteca, e que mellor que "Sacapenas" para cando naza a súa filla Sofía? Para que cando xa entenda un pouquiño poidan contarlle esta historia tan bonita. Como nos contaron que non falta moito, desexámoslles que sexan moi felices con esa nova chegada e esperamos velos moi axiña. Ah!! E non esquecemos que nas dedicatorias que nos deixaron escritas, Aya expresou o seu desexo de que Sofía sexa unha futura alumna do noso colexio. Tomamos nota!

Bicos e moitas, moitas grazas aos dous!

E agora deixámosvos coas fotos:

Bolboretas de ilusión

2009-03-26T14:08:00.000-07:00

Os "piratas", da aula de educación infantil de 4 anos do CEIP A Rúa elaboraron estas bolboretas para os nenos de Gaza

PINTAMOS PARA QUE

TODOLOS NENOS E NENAS

DO MUNDO VIVAN EN PAZ

OS NENOS/AS DE 4 ANOS, TAMÉN PENSAMOS NOS NENOS/AS DE GAZA,

E DENDE AQUÍ QUEREMOS FACERLLES CHEGAR ESTAS BOLBORETAS CHEAS DE ILUSIÓN QUE PINTAMOS PARA ELES.

... e aínda non rematamos

2009-03-25T12:06:00.000-07:00

Noticia publicada no blog do CEIP Milladoiro, o día 24 de marzo

Grazas por tanta dedicación, por tanto mimo, por tanto traballo minucioso... Grazas.
non nos fartamos de dicilo porque estamos realmente emocionadas pola resposta dos nenos e nenas e das familias.
Emociona ver como cada día van chegando máis, cada cal máis bonito, cada cal con máis detalles...
Non están todos, pero imos deixándovos algunhas imaxes para que vaiades disfrutando ós pouquiños.

Sacapenas de 2º, CEIP Milladoiro (Malpica)

2009-03-25T11:57:00.000-07:00

Publicado no seu blog o 21-3-09

Estes son os nenos e nenas de 2º cos seus sacapenas. As mamás esmeráronse de certo colaborando na confección dos bonecos ¿Víchedes que bonitos?
Estes van sacar as penas de noite...¡e de día!
Grazas a todas por tanto esmero, tanto mimo, tanto detalle... tanto cariño.

1 comentarios:

Chispa dijo...: Son preciosos! Esas familias merecen un premio como o que van recibir; saber que eses bonecos viaxarán tan lonxe e cun fin tan solidario.
Saúdos moi agarimosos desde a Biblio de Pazos.; 21 de marzo de 2009 16:19

Publicar un comentario en la entrada

SACAPENAS, POEMA VISUAL. Feliz Día Mundial da Poesía

2009-03-25T06:02:00.000-07:00

Publicado no blog da biblioteca do CEIP de Pazos, o sábado 21 de marzo de 2009

Hoxe cúmprense dous anos desde que escribimos por vez primeira estas palabras:

Benvidos e benvidas ao noso blog que nace coa primavera e quere chegar moi axiña a todos os fogares do noso cole.

¿Recordades? O 21 de marzo de 2007. Así que temos moito que celebrar e que agradecer a este espazo que nos comunica con vós, que nos ledes e nos seguides. Celebramos poder seguir contando novas da nosa Biblioteca e do noso Cole, e estamos ilusionados, tanto coma no principio, ou máis, en levar a cabo os nosos proxectos.

Estes son os alumnos e as alumnas de 5º e 6º de Primaria cos primeiros pasos na elaboración dos Sacapenas; esa marabillosa idea. E este é o seu poema visual.

Un poema visual?

E, que mellor motivo que o que nos ocupa estes días para celebrar o Día Mundial da Poesía?

FELIZ DÍA A TODOS E TODAS!

4 comentarios Enlaces a esta entrada Etiquetas: A

As primeiras monecas do obradoiro de nais do CEIP A Rúa

2009-03-24T09:36:00.000-07:00

Aproveitamos a ocasión para darvos unha boa nova,
xa temos a todo o cole fabricando sacapenas!!

Estamos felices e agradecemos sinceramente a colaboración de todos e todas :-)

Os/as rapaces/as do Segrel do Penedo implicados/as a tope!!

2009-03-17T02:00:00.000-07:00

Publicado no seu blog o martes 10 de marzo de 2009

E despois do obradoiro das profes, como xa vos comentei, chegou o dos rapaces e rapazas e aquí os tedes moi implicados na tarefa.

Comezamos con 1º e 4º de ESO.

Fixemos dous grupos, según o modelo que querían facer. Uns elixiron as monecas pequeniñas, e outros as das trenzas.

Logo repartiuse o traballo, uns dedicáronse a montar as monecas cos corpos que xa tiñamos feitos, pero outros dixeron que non, que o que eles querían era aprender a facer toda a moneca, corpo incluído.¡Canto interese amosaron!

Hoxe baixarán os de 2º de ESO e o xoves os de 3º

As monecas están a quedar moi ben, pero o mellor de todo e o entusiasmo e a ilusión coa que están a traballar.

Velaí tedes unha mostra do que están a facer, esperamos que vos gusten...

Actualizado o martes as 19.00 horas

E chegaron os de 2º e non o fixeron nada mal.

Algunha nai non vai crer o que podedes ver nestas fotos...

Como xa vos contamos os Sacapenas sairon do centro e Begoña, membro do noso Club de Lectura de pais, nais e profesorado; nos trouxo un novo modelo de moneca e xa tentamos facer un que non quedou moi mal, non para ser o primeiro...

Como podedes comprobar, no noso centro hai moita xente implicada nesta fermosa iniciativa.

15 comentarios:

Andrade39A dijo...: Que gusto da ver a rapazas e RAPACES agarrando unha agulla e creando eses bonecos tan bonitos e con esa finalidade, unha actividade moi pero que moi completa. Saúdos tamén a esas "profas": Mª Carmen, Sabela e Loly.
Bicosss...; 10 de marzo de 2009 21:52
O Segrel do Penedo dijo...: Si que da gusto, Encarna.
Algunha nai non pode crer que sexa posible que o seu "fillo" teza unha moneca como as rapazas, e ai os tes, encantados facendo Sacapenas.
Realmente estamos moi contestas coa resposta do noso alumnado.; 10 de marzo de 2009 22:16
Chispa dijo...: Encántame ver esas fotos. Que ben que esta actividade estea tendo esa resposta entre os maiores, verdade?
Mañá empezamos nós! Xa vos contaremos.
Bicos costureiros desde a Biblio de Pazos.; 11 de marzo de 2009 1:00
olga dijo...: ¡Se os ven súas nais!Esta é a proba de que... convíntemente motivado, un adolescente é capaz ATA DE COSEEEEEEER.
Por Tutatis: Canto dá de sí unha biblioteca Escolar!; 11 de marzo de 2009 9:06
xarela dijo...: Por alusións,por Tutatis e por ****(autocensura)que non o podo crer!!!. A foto "DESE", non estará trucada?, que co potochop faise de todo, anque logo de ver outras de ex aOs que lles din plástica,plantexareime o tema da "agnosticidade". Noraboa a esAs profes e a es@s alumn@s. Tamén a "ESE"; 11 de marzo de 2009 10:22

O CEIP de Pazos súmase á iniciativa: "SACAPENAS PARA GAZA"

2009-03-17T01:56:00.000-07:00

Publicado no seu blog o luns 16 de marzo de 2009

Sumámonos a esta marabillosa iniciativa do CEIP a Rúa, de Cangas do Morrazo, que pouco e pouco van secundando outras bibliotecas e coles. Xa levamos días traballando esta idea, vendo que modelos podemos facer, que carta lles escribir, quen se encargará de traducila... Xa estamos resolvendo moitas dúbidas e dentro de pouco esperamos poder publicar as imaxes para que vexades os resultados.

Para comezar limos o conto "Sacapenas", de Anthony Browne, da Editorial Kalandraka e vimos un audiovisual que preparamos para os máis pequenos.

Ademais... PRIMICIA! Entre "O Segrel do Penedo" e nós, conseguimos contactar con Tontxu para pedirlle permiso e poder utilizar a súa canción e, por suposto que dixo que SI! Podemos contar coa súa música!

Deixámosvos a súa letra: "LOS MUÑECOS QUITAPENAS" - Tontxu

Los muñecos quitapenas
quitan las penas que tengo,
se las cuento muy bajito
y me las curan en silencio.

Y debajo de mi almohada,
duermen siempre mis muñecos
y si tengo alguna pena
yo sin ella me despierto.

Y yo que nunca creí en amuletos ni hechiceros,
explícame que hago yo contando penas a muñecos,
será más bien, que creo en ti.

La cajita del club de la

buena estrella me acompaña,
un erizo un caballito,

caracolas encantadas.

Le dan vida a mi cajita,
lo que en playas infinitas
de la arena recogiste,
lo guardaste y me lo diste.

Y yo que nunca creí en amuletos ni hechiceros,
explícame que hago yo confiando en aquellos objetos,
será más bien, que creo en ti, mi amor.

Mi amuleto eres tú,
mis conjuros te reclaman,
y entre misteriosas sombras apareces,
con tu pócima encantada
y beberé, para convertirme en duende,
y evitar que el frío hechizo de la vida

me condene a ser un hombre.

Eh, eheehe, eheeeee... dindaralaralaaha

La cestita de la buena suerte
tengo en mi mesilla,
me la trajo en uno de sus viajes
(quién) la bruja María.

Me asegura su buena suerte,
y salud hasta la muerte,
y volando con su escoba
se despide para siempre (adiós).

Y yo que nunca creí en amuletos ni hechiceros,
explícame que hago yo creyendo en todo lo que creo,
será más bien, que creo en tí mi amor.

Mi amuleto eres tú, mis conjuros te reclaman,
y entre misteriosas sombras apareces,
con tu pócima encantada
y beberé, para convertirme en duende,
y evitar que el frío hechizo de la vida
me condene a ser un hombre.

Eh, eheehe, eheeeee... dindaralaralaaha

1 comentarios:

Loly dijo...: Nós, coa vosa autorización e sen que sirva de precedente imos "copy & paste" este fermoso artigo para compartilo no noso blog.
Grazas pola referencia.
Apertas dende Fene.; 16 de marzo de 2009 21:46

Publicar un comentario en la entrada

Tres xeneracións colaborando xuntas

2009-03-16T16:15:00.000-07:00

Para ver a galería de imaxes sobre o obradoiro do CEIP A Rúa, preme na imaxe

Nais e avoas, mans á obra, no CEIP A Rúa

2009-03-13T11:49:00.000-07:00

Hoxe xuntámonos no CEIP A Rúa unhas cantas nais e algunha avoa para poñernos mans á obra e iniciar a elaboración dos sacapenas.

Primeiro, estivemos ollando o blog para comprender a orixe e a dimensión desta iniciativa.

Logo conversamos sobre como elaboralos.

Temos varias ideas: a avoa de Adrián vainos ensinar a súa técnica: cun soporte de madeira e cravos, a profe M. Carmen ensinaranos a facer pequenas monecas recheas de miraguano e outras con lá...

Estamos desexando aprender, xa quedamos para o luns e, mesmo estamos dispostas a traballar na casa, "aínda que sexa pola noite, no noso momento de relax, vendo a nosa serie favorita".
Alguén propuxo enviar unha mensaxe nunha botella, a ver se chega a Gaza, ó parecer hai casos nas que teñen chegado moi lonxe, ata Australia!!

Fabricando Sacapenas no CEIP Milladoiro de Malpica

2009-03-06T08:14:00.000-08:00

Publicado no blog do CEIP Milladoiro, o 5 de marzo de 2009

A nosa iniciativa conflúe co convoi internacional

2009-03-01T11:40:00.000-08:00

Preme na imaxe para poder vela a tamaño máis grande

Aviso importante para proceder ós envíos

2009-03-01T11:21:00.000-08:00

Compañeiros/as:

A Fundación Araguaney pídenos que os envíos, ó ser internacionais, deben ir acompañados dun listado detallado de todo o que vai nos paquetes, indicando o nº de unidades. Podedes remitilo por correo electrónico, se así o considerades, a este enderezo:

formacion@araguaney.com

(Á atención de Amina Sabbouh López)

Tamén nos piden que as caixas que enviemos estean cheas, xa que, se son moi lixeiras, cóbranlles por volume.

Reproducimos aquí as palabras de Amina, felicitándonos a todos e todas pola iniciativa:

“Me parece que os habéis adelantado a todo el mundo, porque ahora parece ser que en Gaza de medicamentos ya están cubiertos y lo que más piden son precisamente juguetes para los niños, te paso el link en español de la web del convoy y adjunto el cartel de la campaña que han sacado. Enhorabuena a todo los niños que han participado y los profes que los ayudáis”

Unha aperta afectuosa a todos e todas.

O Segrel, todo un modelo a seguir

2009-02-25T23:53:00.000-08:00

Editado no seu blog o mércores 25 de febreiro de 2009

Xa sei que todos os mércores as nosas entradas teñen que ver coa fotografía, e este mércores non ía ser menos, pero a diferencia dos anteriores, nesta ocasión o protagonista non é ningún fotógrafo ou fotógrafa de renome, esta vez os protagonistas imos a ser nós, as nosas fotografías, que se ben non están feitas por profesionais, o que non se nos pode negar é gañas e moito empeño en facelas o mellor posible.

Nesta ocasión o tema é a nosa última actividade, OS SACAPENAS.

Moitos de vós non deixades de preguntarnos que cando comezamos, sobre todo dende que víchedes feita a nosa primeira moneca sacapenas. Pois como ides comprobar a través deste novo recurso que hoxe vos presentamos o PhotoPeach, e que xa o víramos con outra das súas posibilidades, como non, en A Nosa Boa Inspiración, xa estamos máis que preparados para embarcarnos nesta fermosísima empresa. Enviar cariño e calor onde tanto están a sofrir.

Velaí tedes a película do que estivemos a facer nestas dúas últimas semanas, ademais de organizar o entroido, que non estivo mal, non si?

Ide elixindo modelo que o xoves comezamos !!

3 comentarios:

bibliotecadocole dijo...: Pois a min gustanme todos, que lindos son,canta ilusión transmiten,...!; 25 de febrero de 2009 0:38
Beni dijo...: Eu non daría feito un, sejuro. Pero grazas pola nova ferralla das afotos.; 25 de febrero de 2009 1:39
Leo dijo...: ¡Canta marabilla! A presentación lembroume... outros tempos das clases de manualidads na escola (cando eu era alumna!)
Nós tamén comezaremos estes días.; 25 de febrero de 2009 9:07

Publicar un comentario en la entrada

Dende O Segrel (IES de Fene), sacapenas para Gaza

2009-02-25T23:48:00.000-08:00

Editado no seu blog o martes 24 de febreiro de 2009

Unha antiga tradición guatemalteca di que cando @s nenos teñen unha pena, lla contan ao moneco sacapenas que colocan baixo a almofada antes de ir durmir. Ao espertar as penas terán desaparecido.

Dende o CEIP A Rúa (Cangas) xurde unha fermosa iniciativa que consiste en facer monecos sacapenas para enviar aos nenos e nenas de Gaza. O obxectivo é que sintan a solidariedade e o agarimo dos nenos e nenas galegas, que sintan que non están sós.

Esta proposta foi moi ben acollida tanto polo profesorado do grupo da biblioteca como polo alumnado do noso instituto así que decidimos organizármonos.

Sabela, profe de galego e especialista en todo tipo de manualidades, é a que dirixe o "obradoiro" para o profesorado, nós somos os primeiros que temos que aprender para logo traballar co alumnado. Xa nos aprendeu a facer dous tipos distintos de monecos, gorros de ganchillo, vestidos, perrucas... en fin, que esto xa comezou e agora non haberá quen nos pare...

Pero esta iniciativa non quedou no centro, xa saíu fóra del, de feito, algúns dos membros das nosas familias tamén están a botar unha man. Disque a unión fai a forza...

Os sacapenas e os dragóns da Paz do CEIP A Rúa, camiño de Gaza

2009-02-20T13:43:00.000-08:00

Por fin, o xoves 19 de febreiro, os nosos sacapenas, elaborados polos nenos e nenas de 1º de Primaria, e os dragóns da Paz, realizados polos cativos/as de 5 anos, van camiño de Gaza.

Ilusiónanos aínda máis saber que van directamente ós hospitais, onde máis se precisan.

Estamos felices :-) pletóricos/as,
non collemos dentro de nós!!

Os nosos mellores desexos corren,
mellor dito, voan cara a Gaza.

Xa podedes enviar os sacapenas a Gaza

2009-02-20T13:19:00.000-08:00

Compañeiros/as:

O mércores avisáronnos que podiamos enviar sacapenas dende Santiago por Médicos do Mundo, xa que ían dar unha conferencia en Santiago e podían levalos directamente ós hospitais de Gaza. Desgraciadamente, co pouco tempo co que contamos, só puidemos enviar os do CEIP A Rúa, que xa están de camiño :-) De todas formas, indicáronnos que, en canto teñades os sacapenas feitos, podedes remitilos a este enderezo, á atención de Amina:

R/Montero Ríos, nº 23, entrechán

15706, Santiago

Deberedes envialos nunha caixa e axuntar un albarán.

Pregariámosvos que antes de envialos fixerades unha entrada no voso blog para que logo podamos copiala no dos Sacapenas. Para isto, enviádenos por favor un correo indicando que está lista a entrada:

ceip.arua@edu.xunta.es

Consideramos oportuno envialos antes das vacacións de Semana Santa para non demorarnos excesivamente.

Unha aperta afectuosa a todos e todas :-)

Conferencia de Médicos do Mundo sobre o sufrimento de Gaza

2009-02-18T05:25:00.000-08:00

Xoves, 19 de febreiro ás 20:00 horas en Santiago no Salón de actos da Fundación Araguaney. Participarán Davide Ziveri, Psicólogo responsable do Grupo Estatal de Médicos do Mundo sobre Palestina e Ricardo Angora, ciruxán ortopédico, recién chegado da intervención de emerxencia de Médicos do Mundo en Gaza.

A Fundación Araguaney fala da solidariedade dos nenos/as galegos/as con Palestina

2009-02-17T13:35:00.000-08:00


Los niños gallegos se solidarizan con los niños de Palestina
Publicado el jueves, 12 de febrero de 2009

En las últimas semanas las muestras de solidaridad con la población de Gaza se han ido multiplicando por toda Galicia.
Destacan varias iniciativas en escuelas e institutos gallegos que se solidarizan con los niños de Palestina, tras el genocidio al que se han visto sometidos los habitantes de Gaza el mes pasado.

Entre estas iniciativas el CEIP Ponte dos Brozos de Arteixo nos ha enviado un cuaderno con dibujos elaborados por sus alumnos que hace alusión a su deseo de paz para los niños palestinos. Este cuaderno será llevado a Gaza acompañando a la ayuda humanitaria que se está recogiendo en la Fundación Araguaney.

Por otra parte los niños del CEIP "A Rua" de Cangas han elaborado con sus propias manos unos muñecos "quitapenas" que también se enviarán a Gaza.
Esta iniciativa ha tenido mucho éxito y se han adherido ya tres colegios más que, a parte de elaborar estos muñecos, han creado un blog donde colgarán información sobre esta actividad.

http://sacapenasparagaza.blogspot.com/

En La Estrada, el IES "Antón Losada Diéguez" junto con dos institutos más de La Estrada están preparando un acto especial para el próximo 27 de marzo en el que expresarán la solidaridad con Palestina a través de la poesía. Este acto contará con la colaboración, vía teleconferencia, de Ghaleb Jaber, presidente de la Fundación Araguaney, y de los escritores gallegos Antía Otero, Pilar Beiro, Antón Lopo ( PEN Club) y Cesáreo Sánchez Iglesias (AELGA).

Como organizarnos

2009-02-17T02:22:00.000-08:00

Compañeiros/as:

Estamos felices de compartir convosco a proposta de enviar Sacapenas aos nenos e nenas de Gaza. Co ánimo de buscar un lugar común onde atoparnos, presentámosvos o blog “Sacapenas para Gaza”:

http://sacapenasparagaza.blogspot.com

Desexamos que participedes achegando os vosos sacapenas, propostas, comentarios, informacións, suxestións... A idea inicial é que o xestionemos dende o CEIP A Rúa. Pensamos que poderiades publicar nos vosos respectivos blogs as vosas entradas e, mediante un correo, avisarnos para incluílas no blog dos Sacapenas. Que vos parece?

Respecto dos envíos a Gaza, estamos pendentes de que a Fundación Aguaraney nos indique cando e como envialos, vía Santiago ou vía Madrid. De tódolos xeitos, cremos que hai posibilidades de facer máis dun envío, así que podedes dedicarvos plenamente ó entroido. En todo caso, os sacapenas deberían estar todos listos alá para finais de marzo, para intentar envialos antes de Semana Santa. Manterémosvos informados/as.

Se tendes algunha dúbida, aquí estamos.

Unha aperta afectuosa a todos e todas.

A carta para Gaza traducida ó árabe

2009-02-09T09:48:00.001-08:00

Sacapenas do CEIP A Rúa, galería de imaxes

رسالة من أطفال مدرسة "آ روا"

مرحبًا بكم يا اطفال فلسطين
نحن جماعة من تلاميذ أول صف من المدرسة الإعدادية "آ روا" من قرية آانغس في
شمال غرب أسبانيا.
نرسل لكم بعض الألعاب التقليدية لكي تفزعوا عنكم الخوف. يمنكم أن تضعوهم تحت
المخدة و في الليل تكلموا معاهم وتشرحون لكل واحد خوف و بعد ذلك ربما تحسون
بالإرتياح.
نحن نتمنا أن الحرب ينتهي و لا نريد أن الناس تموت. نريد أن حكام فلسطين و اسرائيل
يجلسون و يتحدثون عن السلام.
نرسل إليكم تحياتنا و هذه الألعاب لكي نفرحكم.
ماريو
آانديلا
سيرخيو
سكينة
الفارو
أنيرة
روبين
يانيرة
نيكولاس
آريستينا ج.
لاورة
نيستور
أندريا
بيدرو
يان
حنان
أنتون
سيليستي
آريستينا و.
إينيس
سانتي

Agradecemos á Fundación Araguaney a súa colaboración, traducindo a nosa carta

Aquí tendes os sacapenas e a carta para os nenos e nenas de Gaza

2009-02-05T08:28:00.000-08:00

Sacapenas para que os/as pícaros/as de Gaza volvan sorrir :-)

Esta é a carta que imos enviar aos nenos e nenas de Gaza.
Falamos cunha ONG que se vai encargar de que chegue ao seu destino.
Tamén van traducila ao seu idioma, para que a comprendan.

Ola, nenos e nenas palestinos:

Somos os nenos e nenas de 1º de Primaria do colexio A Rúa de Cangas de Morrazo, en Galicia (España).

Mandámosvos sacapenas para sacar o voso medo. Compartídeos e poñédeos debaixo da almofada. Contádelle unha pena a cada un porque así quedaredes máis tranquilos.

Queremos que pare a guerra dunha vez por todas e que non morran máis persoas. Que dialoguen os xefes de Gaza e Israel.

Moitos bicos de todos e todas e que os sacapenas vos poñan contentos.

Mario, Candela, Sergio, Soukaina, Álvaro, Anira, Rubén, Yanira, Nico, Cristina G., Laura, Néstor, Andrea, Pedro, Ían, Hanane, Antón, Celeste, Cristina O., Inés e Santi

A carta percorrerá 4000 kilómetros, o que podedes observar neste mapa.

Visualizar o mapa ampliado

13 comentarios:

Chus dijo...: Estes sacapenas feitos con tanto esmero e cariño seguro que lograrán tranquilizar aos nenos e nenas, como di Cristina.
Felicidades por este traballo.; 18 de enero de 2009 19:25
bibliotecadocole dijo...: Parabens por esa iniciativa tan bonita. Seguro que os nenos e nenas de Gaza van sentirse menos tristes con eses Sacapenas.; 1 de febrero de 2009 16:55
Endora dijo...: Estupenda iniciativa. Todo polos nenos, que son a víctimas máis inocentes nos conflictos.; 1 de febrero de 2009 17:58
Emilio dijo...: Unha idea fermosa; seguro que ten bos resultados, o cariño sempre o ten.; 1 de febrero de 2009 19:47
Liliana dijo...: É unha iniciativa fermosa.
Como debemos facer os sacapenas para donar?
unha aperta!; 2 de febrero de 2009 13:14
adelaida dijo...: qué idea tan bonita...Ogallá chegara a Gaza unha pequena parte do cariño que hai neses bonecos.; 2 de febrero de 2009 20:01
O Segrel do Penedo dijo...: Aos mozos e mozas de O Segrel e a moitos profes encantounos a idea de fabricar Sacapenas para os nen@s de Gaza e xa estamos argallando como facelo. Así que xa sabedes, contade con nós para levar adiante esta fermosísima iniciativa.
Bicos de mel dende Fene !!; 2 de febrero de 2009 20:45
Ana dijo...: Liliana, grazas polas túas palabras. Os sacapenas nós fixémolos con pasta de madeira (figuras planas), teas recortadas e pegadas para a roupa e plastilina para ollos, nariz e boca. Simplemente utilizamos este procedemento para que fosen máis sinxelos para os nenos e nenas, pero poden facerse como é a tradición guatemalteca: con dous paus cruzados e coséndolle teas.; 3 de febrero de 2009 9:48
Ana dijo...: Grazas,compañeiras de Quintela, por valorar o traballo e a solidaridade dos nenos e nenas do CEIP A Rúa.
Un bico de Cangas a Moaña, pola "vía rápida".; 3 de febrero de 2009 10:35
Ana dijo...: Ao profesorado e aos mozos e mozas do Segrel:

Agradecémosvos de corazón que vos sumedes a esta iniciativa. Contamos convosco. A ver se atopamos algún medio de facer o envío, por agora aínda non temos nada concertado.
Xa que chega o entroido,
bicos de chulas dende Cangas!!!; 3 de febrero de 2009 11:11
Ana dijo...: Emilio,o resultado xa está aquí, o teu cariño recibímolo en forma de comentario e sumarémolo ós que enviaremos ata Gaza.
Grazas; 3 de febrero de 2009 11:13
Ana dijo...: Adelaida, ten por seguro que chegará a Gaza empuxado polo teu alento.
Un bico afectuoso dende Cangas.; 3 de febrero de 2009 11:16
Ana dijo...: Endora, grazas polo teu comentario. Estou de acordo, os nenos e nenas son as víctimas inocentes dos conflitos bélicos e, non só iso, probablemente arrastrarán as secuelas de por vida, sendo adultos que medrarán no resentimento. Por todo isto, educar para a paz é o noso labor máis salientable.

Unha aperta afectuosa dende Cangas; 3 de febrero de 2009 11:20

Sacapenas para os nenos e nenas de Gaza

2009-02-05T08:25:00.000-08:00

Os cativos de 1º estamos moi tristes pola guerra de Gaza.

O outro día a profe Ana leunos o libro Sacapenas. Fala da tradición guatemalteca de colocar sacapenas, monecos pequeniños, debaixo da almofada por cada pena ou preocupación que teñas, así desaparecerá.

Decidimos enviarlles ós pícaros/as de Gaza uns sacapenas elaborados coas nosas mans. Acompañarémolos cunha carta que estamos a redactar.

Estes días falamos de moitas cousas:

-"Temos que parar esta guerra XA! Cos sacapenas non imos parala " :-( , dicía Soukaina.

- "Xa sabemos que non imos parala, pero os nenos quedarán máis tranquilos", comentaba Cristina.

-"Para unha pena tan grande necesitabamos un sacapenas tan grande coma un coloso", engadía Sergio.

Animamos a tódolos nenos e nenas do cole a que tamén elaboren sacapenas para envialos a Gaza, son moitos e están moi tristes, seguro que o agradecerán.

Aquí deixámosvos unhas fotos do que estamos a facer.
En canto teñamos redactada a carta colgarémola no blog.

Facendo sacapenas con pasta de madeira.

A profe Rosana tróuxonos uns sacapenas de verdade para que puideramos ollalos.

7 comentarios:

caetano dijo...: ¿En que medio de transporte viaxaran os sacapenas?; 25 de enero de 2009 18:57
Xosé dijo...: Probablemente farano en avión, pois con tanto temporal vai ser difícil que cheguen en barco ;-); 26 de enero de 2009 13:04
adelaida dijo...: qué bonecos tan bonitiños...; 2 de febrero de 2009 20:12
Leo dijo...: Os nenos e nenas de Malpica, tamén se queren unir á vosa fantástica idea.
¿Cantas penas poderemos sacar entre todos/as?
Grazas por tomar a iniciativa.; 3 de febrero de 2009 9:29
Leo dijo...: Os nenos e nenas de Malpica tamén se queren unir á vosa fantástica idea.
¿Cantas penas sacaremos entre todos?
Grazas por tomar a iniciativa.; 3 de febrero de 2009 9:30
Ana dijo...: Grazas, Adelaida,pola túa sensibilidade. Foron feitos con moito amor e ilusión e iso nótase.
Unha aperta dende Cangas.; 3 de febrero de 2009 10:08
Ana dijo...: Leo, que felices nos facedes sumándovos á nosa iniciativa!
Grazas a vós por compartila connosco.
Non sei se sacaremos moitas penas pero axudaremos a coser algunhas feridas abertas, estou segura!!
Unha aperta afectuosa a todos e todas; 3 de febrero de 2009 11:28